Ökukennsla Aðalbrautar

- Lærðu hjá þeim sem stunda sportið!

Aðalbraut sf. er 14 ára gamalt fyrirtæki sem sérhæfir sig í ökukennslu og ýmsu því er henni tengist. Stofnandinn heitir Njáll Gunnlaugsson og er þekktur bílablaðamaður og mótorhjólamaður til meira en 20 ára. Við höfum áhuga á öllu því er hreyfist fyrir eigin vélarafli og leggjum okkur fram við að koma þeirri þekkingu sem við höfum aflað áleiðis til nýrra ökumanna. Okkar mat er að til að miðla þurfum við að vera í hringiðunni sjálfir. Því viljum við bjóða þér að fræðast aðeins á þessum síðum um fyrir hvað við stöndum.

Njáll Gunnlaugsson hefur verið viðriðinn mótorhjól frá því að hann mátti keyra og jafnvel fyrr og átt fjölda mótorhjóla af öllum gerðum. Njáll er virkur félagi í Sniglum og Gamlingjum auk þess að vera í BMW mótorhjólaklúbbnum. Hann hefur og verið stjórnarmaður í Sniglum og MSÍ. Hagsmunir mótorhjólafólks eru honum hugleiknir og þess vegna hefur hann unnið ötullega að bæta þá síðan hann gekk í Sniglana árið 1993. Njáll hefur samið tvær bækur um mótorhjól, kennslubók þá sem kennd er í bifhjólanáminu og sögu mótorhjólsins á Íslandi í 100 ár. Að lokum situr hann í stjórn Ökukennarafélags Íslands þar sem hann sinnir málefnum mótorhjóla.